Laugardagur 15. september

Opnun – 14:00 – Arndís Þórarinsdóttir, formaður stjórnar Mýrarinnar, flytur opnunarávarp. Verðlaun verða afhent og vinningshafar lesa upp sögur sínar. Svavar Knútur leikur tónlist. Opnunin fer að hluta til fram á ensku.
Samtal við höfunda – 15:30 – Að éta eða vera étinn? Þórarinn Eldjárn flytur ávarp. Rit- og myndhöfundarnir Svein Nyhus, Sigrún Eldjárn, Jakob Martin Strid og Ragnheiður Gestsdóttir ræða um mat í barnabókum. Málstofustjóri er Egill Helgason. Málstofan fer fram á ensku.

Sunnudagur 16. september

Upplestur – 11:00 – Kristín Arngrímsdóttir les um grallarann Arngrím apaskott. Fyrir 3+
Upplestur – 11:30 – Þórarinn Eldjárn les ljóð fyrir börn á öllum aldri. Fyrir 5+
Vinnustofa – 12:00 – Þýski rit- og myndhöfundurinn Jutta Bauer kennir myndskreytingar og sögugerð. Ath! Takmarkaður fjöldi þátttakenda. Fyrir 6+.
Upplestur – 12:30 – Rithöfundurinn Candace Fleming les fyrir börn. Fyrir 5+
Vinnustofa – 13:00 – Danski matreiðslubókahöfundurinn Katrine Klinken kennir börnum að gera  smurbrauð.  Ath! Takmarkaður fjöldi þátttakenda. Fyrir 8+
Upplestur – 13:30 – Kanadíski rithöfundurinn Polly Horvath les fyrir börn. Fyrir sex+
Vinnustofa – 14:00 – Katrine Klinken kennir börnum að gera  smurbrauð.  Ath! Takmarkaður fjöldi þátttakenda. Fyrir 8+
Vinnustofa – 14:30 – Rit- og myndhöfundurinn Eric Rohmann kennir krökkum segja sögu í myndum. Ath! Takmarkaður fjöldi þátttakenda. Fyrir 9+
Upplestur – 15:00 – Rithöfundurinn Kristín Steinsdóttir les fyrir börn.
Leiðsögn – 15:00 – Jutta Bauer stýrir leiðsögn fyrir börn um sýninguna Í skóginum stóð kofi einn eftir myndum úr samnefndri bók. Fyrir fjögurra ára og eldri. Athugið að sýningin er í Borgarbókasafninu við Tryggvagötu.

Athugið að nauðsynlegt er að skrá sig í vinnustofur í netfanginu: myrinskraning@gmail.com, en einnig má skrá sig samdægurs í afgreiðslunni í Norræna húsinu séu ennþá laus pláss.
Allir atburðir Mýrarinnar eru gjaldfrjálsir, þar á meðal vinnustofurnar.

Mánudagur 17. september

Málstofa – 13:00 – Megrun, mannát og afneitun í íslenskum barna- og unglingabókum. Ármann Jakobsson: Höfuðlausir englar og fátækir riddarar. Dagný Kristjánsdóttir: Að éta mann og annan. Anna Heiða Pálsdóttir: Kynvitund, kossar og ólífur: Hinn forboðni ávöxtur í íslenskum unglingabókum. Fyrirspurnir og umræður að fyrirlestrum loknum. Málstofustjóri er Helga Birgisdóttir.
Málstofa – 15:00 – Matur í myndum, drengur í súpu og siðferðislegar vangaveltur. Fridunn Karsrud: Butterbuck soup and other delicious meals. Unni Solberg og Kirsti-Nina Frønæs: Om mat og moral i Thorbjørn Egners Hakkebakkeskogen. Kristin Hallberg: Äta bör man annars dör man. Fyrirspurnir og umræður að fyrirlestrum loknum. Málstofustjóri er Gro Tove Sandsmark. Málstofan fer fram á sænsku og norsku.

Myndlistarsýningar

Matarlist í íslenskum barnabókum – 9.-19. september – Sýning á myndum úr barnabókum í anddyri Norræna hússins – þemasýning á myndlýsingum í íslenskum barnabókum. Myndirnar eru valdar í því augnamiði að sýna fjölbreytta flóru myndhöfunda og margvísleg efnistök en eiga það sameiginlegt að lýsa mat, matseld, borðhaldi og áti í íslenskum barnabókum. Sýningin opnar kl. 14:00 sunnudaginn 9. september.
Í skóginum stóð kofi einn – 15. september – 4. október – Sýning á myndum eftir þýska rithöfundinn Jutta Bauer. Myndirnar eru úr samnefndri bók eftir Bauer sem kom út á íslensku fyrr á árinu. Jutta Bauer verður með leiðsögn um sýninguna fyrir börn kl. 15:00 sunnudaginn 16. september. Athugið að sýningin er á Reykjavíkurtorgi í Borgarbókasafninu við Tryggvagötu.

Sýning á barnabókamyndskreytingum í anddyri Norræna hússins

MATARLIST í íslenskum barnabókum er þemasýning á myndlýsingum í íslenskum barnabókum, haldin í Norræna húsinu 9. – 19. september. Sýningin er í tengslum við alþjóðlegu barnabókmenntahátíðina Matur úti í mýri sem haldin verður dagana 15.- 17. september 2012. Myndirnar eru valdar í því augnamiði að sýna fjölbreytta flóru myndhöfunda og margvísleg efnistök en eiga það sameiginlegt að lýsa mat, matseld, borðhaldi og áti í íslenskum barnabókum.
Kristín Steinsdóttir, formaður Rithöfundasambands Íslands, opnar sýninguna kl. 14:00 9. september. Allir velkomnir.

Þórarinn Eldjárn kemur í Norræna húsið 16. september og les matarljóð fyrir börn á öllum aldri.
Þórarinn er eitt ástsælasta skáld Íslendinga. Hann hefur sent frá sér ljóðabækur, smásögur, skáldsögur, leikrit, þýðingar og söngtexta og síðast en ekki síst afar vinsæl barnaljóð, enda fjölhæfur með endemum. Í ljóðum sínum fyrir börn varpar Þórarinn ljósi á menn og málefni með beittri gamansemi og orðaleikjum og vekur börn jafnt sem fullorðna til umhugsunar. Þórarinn hefur hlotið margvíslegar viðurkenningar fyrir barnaljóð sín og á meðal verka hans eru:  Árstíðirnar, Grannmeti og átvextir, Gælur, fælur og þvælur, Halastjarna og Heimskringla.

 Má maður éta vini sína? Sigrún Eldjárn spyr sig að því og skoðar mat í eigin bókum.  Sigrún sýnir dæmi og fjallar um mat og vini, vini sem breytast í mat og mat  sem getur breyst í vini.
Búast má við líflegum umræðum um vinaát og matarvináttu í samtali við rithöfundinn Sigrúnu Eldjárn í Norræna húsinu kl. 15:30 laugardaginn 15. september.

Litir eru helsti tjáningarmáti Juttu Bauer, sem hóf ferilinn sem skopmyndateiknari en er í dag einn þekktasti myndabókahöfundur Evrópu.
Árið 1998, þegar ferill hennar sem myndskreytari og skopmyndateiknari hafði spannað hátt á annan tug, sendi Jutta Bauer frá sér bókina Die Königin der Farben, eða Litadrottninguna, en sá titill á ekki síður við um Bauer sjálfa. Aðalpersónan í þessari glæsilegu myndabók, drottningin Malwilda, ríkir yfir grunnlitunum þremur, en þarf þó stundum að kljást við þessa þegna sína líka. Hún sættist þó að lokum við þá og fær þá aftur á sitt band, og endar söguna á því að stefna þeim saman í stórkostlegt sjónarspil. Saga hennar er þannig nokkurs konar endursögn á draumi sérhvers teiknara, eða í öllu falli draumi Bauers, sem öðrum þýskum myndskreyturum fremur hefur gert litina að sínum helsta tjáningarmáta.
Lesa meira hér …

15. september: Rit- og myndhöfundarnir Jakob Martin Strid, Ragnheiður Gestsdóttir, Sigrún Eldjárn og Svein Nyhus koma saman í málstofu til að ræða hvaða hlutverki matur gegnir í bókum þeirra.
Þórarinn Eldjárn kynnir málstofuna og málstofustjóri er Egill Helgason.

Kanadíski höfundurinn Polly Horvath verður á meðal gesta á Matur úti í mýri. Hún hefur sent frá sér fjölmargar bækur á undanförnum árum og hefur hlotið enn fleiri viðurkenningar fyrir dásamlegar barnabækur sínar.
Svona hefst sagan um Primrose sem borðar vöfflur með öllu og hverju sem er:

My name is Primrose Squarp. I am eleven years old. I have hair the color of carrots in apricot glaze (recipe to follow), skin fair and clear where it isn’t freckled, and eyes like summer storms.

Gestir á Matur uti í mýri í næsta september verða:
Candace Fleming og Eric Rohman frá Bandaríkjunum,  Fridunn Tørå Karsrud, Kirsti-Nina Frønæs, Unni Mette Solberg og Svein Nyhus frá Noregi, Jakob Martin Strid og Katrine Klinken frá Danmörku, Kristin Hallberg frá Svíþjóð, Jutta Bauer frá Þýskalandi, Miki Jacobsen frá Grænlandi, Polly Horvath frá Kanada og íslensku gestirnir Anna Heiða Pálsdóttir, Ármann Jakobsson, Dagný Kristjánsdóttir, Ragnheiður Gestsdóttir, Sigrún Eldjárn og Þórarinn Eldjárn.
Lesa má meira um dagskrá hátíðarinnar hér.
These are the authors and scholars attending Food in the Moorland in September:
Candace Fleming and Eric Rohman from USA,  Fridunn Tørå Karsrud, Kirsti-Nina Frønæs, Unni Mette Solberg and Svein Nyhus from Norway, Jakob Martin Strid and Katrine Klinkenfrom Denmark, Kristin Hallberg from Sweden, Jutta Bauer from Germany, Miki Jacobsen from Greenland, Polly Horvath and the Icelandic guests are Anna Heiða Pálsdóttir, Ármann Jakobsson, Dagný Kristjánsdóttir, Ragnheiður Gestsdóttir, Sigrún Eldjárn and Þórarinn Eldjárn.
You can read more about the festival program here.