Sævar Helgi Bragason (f. 1984), stjörnufræðikennari og vísindamiðlari, er höfundur bókanna Stjörnuskoðun fyrir alla fjölskylduna (2016), Geimverur: Leitin að lífi í geimnum (2017) og Svarthol : hvað gerist ef ég dett ofan í? (2018). Sævar starfar við dagskrárgerð í útvarpi og sjónvarpi við gerð þátta um vísindi, náttúru og tækni, auk þess að vera tíður gestur í fjölmiðlum til að fræða fólk á öllum aldri um vísindi. Hann kennir stjörnufræði við Menntaskólann í Reykjavík og í menntaverkefnum á vegum Háskóla Íslands eins og Háskólalestinni og Háskóla unga fólksins. Sævar var umsjónarmaður sjónvarpsþáttarraðar um loftslags- og umhverfismál á RÚV 2019 og vinnur nú að framhaldsþáttaröð um sama efni.
Vorið 2014 hlaut Sævar titilinn Framúrskarandi ungur Íslendingur fyrir framlag sitt til vísindafræðslu af JCI á Íslandi. Árið 2016 hlaut hann viðurkenningu frá Háskóla Íslands fyrir framúrskarandi vísindamiðlun og árið 2018 Vorvindaviðurkenningu IBBY fyrir framlag sitt til barnamenningar á Íslandi.